我的名字很「撟」口

名字︰Fluffy (讀音︰"捲利音的忽"Fi)

性別︰一睇就知係靚女啦

品種︰玩具貴婦

顏色︰creamy (其實我好想要隻 silver 0家，但係佢實在太靚女，而細蕃又對佢一見鍾情 woh...)

出生日期︰2009年3月28日

回家日期︰2009年6月3日

性格︰惡 (我地0係寵物店見佢勁吠一隻大佢十倍嘅伯恩山呀!!!)

呢個小妹妹真係好可愛呀~ 我地可以話係對佢一見鍾情。話說我地上星期六同 poo仔去0左 petmax玩，經過 dog one life 就入去睇下野，點知一入去就見到 d staff 抱住呢個小毛球玩，佢個樣真係好 sweet，又好似好活潑咁，細蕃同我都好鍾意佢，但係因為我怕照顧唔到兩隻狗狗，又驚 poo 仔會唔開心 (佢唔鍾意其他狗狗 ma...)，所以我堅持唔買。

點知細蕃原來真係好鍾意呢個小毛球，而且佢一直都想養兩隻，所以呢幾日都不停咁提住「0個日隻 cream色 bb 真係好得意...」又話佢咁得意一定會好快俾人買左咁...最後我忍唔住星期三 (10/6)打電話去問，話未賣 woh，咪放工即刻去睇 loh，沿途細蕃已經討論緊佢叫咩野名?! 跟住我都唔使多講啦...細蕃抱住 bb 返屋企個樣真係好開心呢...

當初佢為我開心買0左 poo 仔，今次到我為佢開心帶妹妹返屋企，希望我地可以繼續開開心心!!!

p.s 好彩新屋可以養狗狗，如果唔係都唔知點收埋兩條狗蛇!!!

小毛球分類的解釋︰一如其名，Fluffy 是一隻毛茸茸的小狗，遠看就像一個小毛球。而且 Fluffy 跑得如炮彈一般快，在面前閃過時還真有點像一個小毛球滾過呢~